Bosch përkrah deklaratën e Kurteshit për Jabllanoviqin

Ambasadori i Holandës në Kosovë është shprehur kundër deklaratës së Jabllanoviqit dhe e ka përkrahur reagimin e Avokatit të Popullit.

Robert Bosch ka shkruar në Twitter se e mbështet deklaratën e Sami Kurteshit, përcjell koha.net.

“Përkrahje të plotë për deklaratat e Ombudspersonit kosovar. Respekti është fjala mëse e duhur për të tani. Të lumtë, Sami Kurteshi”, ka shkruar ambasadori holandez në Twitter.

Avokati i Popullit, në një intervistë për KTV-në, ka dënuar ashpër deklarimet e ministrit në Qeverinë e Kosovës, Aleksandër Jabllanoviq, i cili i quajti egërsira protestuesit në Gjakovë, duke përfshirë edhe nënat e personave të pagjetur.

Ai gjithashtu ka kërkuar shkarkim të ministrit Jabllanoviq, duke thënë se ai ka bërë shkelje të rëndë të ligjeve dhe Kushtetutës së Kosovës.

© KOHA.net