Bosch flet për sulmin terrorist në Banjskë, tregon si duhet veproj Kurti

Kanë kaluar një javë nga sulmi i 24 shtatorit ku mbeti i vrarë rreshteri Afrim Bunjaku nga një grup terroristësh të armatosur deri në dhembë. Përkitazi me këtë ngjarje ka folur edhe ish-ambasadori Holandez, Robert Bosch.

Ky i fundit në një prononcim për “IndeksOnline”, ka thënë se zhvillimet në pjesën veriore të Kosovës, janë jashtëzakonisht shqetësuese.

Bosch e quajti Vuçiqin një lojtar pokeri, pasi sipas tij, ky i fundit për të ushtruar presion mbi ndërkombëtarët nxjerrë kartën “nëse më bojkotoni, unë me mbështetjen e miqve të mi rusë mund të bëj më në fund çfarë të dua”.

I pyetur se nëse mendon që terroristet janë paguar nga Vuçiqi, ish-ambasadori theksoi se ky i fundit bëhet përgjegjës indirekt sepse armët e rënda të gjitha kanë ardhur nga Serbia.

Ish-ambasadori Bosch për fund dha edhe një koment se si duhet të veprojë kryeministri i vendit Albin Kurti.

Intervista e plotë:

IndeksOnline: Si i vlerësoni zhvillimet në veri të Kosovës?

Bosch: Jashtëzakonisht shqetësuese. Autorët vepruan si terroristë, kështu që dikush me siguri i quan të tillë. Bernabiq e quajti kontrollin logjik të shtëpisë një akt terrorist, nëse ky është terrorizëm, atëherë përdorimi i armëve të rënda kundër autoriteteve e meriton shumë më tepër këtë etiketë.

IndeksOnline: A mendoni se dorëzimi i Milan Rajdoçiqit erdhi për të shpëtuar Listën Serbe nga shpallja jokushtetuese/organizatë terroriste?

Bosch: Radojçiq ka dhënë dorëheqjen dhe nuk është plotësisht i njëjtë me SL, edhe pse një përfaqësues i rëndësishëm. Unë mendoj se nuk do të ishte e mençur të shpallej SL në tërësi një organizatë terroriste. Ata janë jodemokratë dhe kanë bërë presion të madh mbi serbët vendas për t’u rreshtuar me ta, por që ne i njohim prej vitesh dhe zgjedhjet në veri gjithmonë kritikoheshin ashpër. Kjo ishte mjaft e çuditshme e pranuar gjithmonë, kështu që do të ishte e çuditshme tani për të parë më në fund dritën dhe për ta quajtur atë një organizatë terroriste, nuk duket të jetë shumë logjike dhe vetëm do të krijonte më shumë telashe.

IndeksOnline: A mendoni që këto sulme janë të paguara nga Vuçiq?

Bosch: Jo, por armët e rënda me siguri kanë ardhur nga Serbia, kështu që të paktën indirekt është ai përgjegjës. IndeksOnline: Si duhet të veprojë tani kryeministri Kurti? Bosch: Theksoi se ai mbështet marrëveshjen e Ohrit dhe pret që ndërkombëtarët t’i bëjnë presion Serbisë që të bëjë të njëjtën gjë me çmimin e sanksioneve të rënda. Kurti duhet të marrë lartësinë morale dhe të mos provokojë./IndeksOnline/