Borrell: S’ka problem që Spanja s’e njeh Kosovën, do ta vizitojë sa të formohet qeveria e re

Josep Borrell ka pak kohë që ka marrë pozitën e tij të re, atë të Shefit të Politikës së Jashtme të Bashkimit Evropian.

Pas marrjes së këtij posti, Borrell ka theksuar se nuk është problem që vendi i tij (Spanja) nuk e njeh pavarësinë e Kosovës dhe se ky nuk do të jetë problem që ai të jetë ndërmjetësues i dialogut mes Kosovës dhe Serbisë.

Ai tha se nuk do të veprojë si ministër spanjoll. Kur u pyet se a është problem fakti që Spanja nuk e njeh shtetin e Kosovës ai pati një përgjigje të shkurtë, transmeton Indeksonline.

“Jo, pse do të ishte problem?”, shtoi ai për gazetën kroate “Veçernji list”.

“Unë nuk veproj në këtë drejtim si një ministër spanjoll, pasi marr detyra të tjera. Unë e kuptoj që njerëzit kolaudojnë se nëse vendi im nuk e njeh Kosovën, kosovarët nuk do të më duan. Imagjinoni, nga ana tjetër që unë vij nga një vend që njeh Kosovën. Në atë rast, ata do të mendojnë se serbët nuk do të jenë të lumtur me mua. Ekziston një asimetri e caktuar. E pranoj Kosovën, dikush është i pakënaqur. Nëse unë nuk e njoh Kosovën, prapë dikush tjetër është i pakënaqur”, tha Borell.

Shefi i ri i Politikës së Jashtme të Bashkimit Evropian, Josep Borrell, ka deklaruar se gjëja e parë që do të bëj Kur Kosova të ketë qeverinë e re është të vizitojë Kosovën, ku nuk ka qenë kurrë më parë.

“Do të vizitoj gjithashtu Serbinë, ku kam qenë disa herë, për të diskutuar me të dy palët për një qasje të re për zgjidhjen e problemeve në Ballkan”, tha ai./Indeksonline/