Borrell: Kurti nuk e pranoi propozimin tonë për kompromis

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, pas takimit të nivelit të lartë në Bruksel ka fajësuar të dyja palët për mosrespektimin e marrëveshjes për normalizimin e marrëdhënieve mes dy vendeve.

Në një konferencë për media, Borrell ka thënë se kryeministri i Kosovës, Albin Kurti, ka insistuar që të formalizohet njohja de-facto nga Serbia, ndërsa presidenti Aleksandar Vuçiq, sipas tij, ka pranuar kompromisin e paraqitur nga BE-ja. Por në fund s’pati dakordim.

Ai tutje ka bërë të ditur se ka propozuar që njëra palë të fillojë të zbatojë një pikë të marrëveshjes dhe tjetra ta pasojë.