Boronica shëruese

Sa herë keni dëgjuar që lëngu i boronicave përmirëson pasqyrën e gjakut? Lëngu industrial, për fat të keq, thuajse nuk ka asgjë të përbashkët me frytin shërues nga natyra.

Mirëpo, kur pas lëngut të ëmbël e provojmë boronicën në formë natyrale, përjetojmë pak dëshpërim, sepse shija e saj është larg më pak intensive në krahasim me lëngjet artificiale, transmeton gazeta Kosova Sot Online.

Mirëpo, kjo nuk është arsye t’ua kthejmë shpinën këtyre frutave, që me të vërtetë ndikojnë në ruajtjen e shëndetit, por e ngadalësojnë edhe plakjen. Shumë studime kanë vërtetuar se ky fryt është burimi më i pasur me antioksidues, madje edhe midis 40 llojeve të ndryshme të pemëve dhe perimeve.

Nëse nuk ju pëlqen shija natyrale e boronicës, lëngun ose boronicën mund ta përzieni me mjaltë, t’i shtoni në muesli, apo t’i hani në formë të marmelatës apo xhemit. Pos me antioksidues, frutat janë të pasura me sheqer, vitamina C, minerale dhe proteina.

Boronica – ilaçi natyral kundër shumë dhimbjeve

Për shikim të çiltër – Disa studime tregojnë se falë boronicave, të pasura me vitamina C dhe antioksidues, ngadalësojnë dëmtimin e retinës së syve, përkatësisht degjenerimin makular, që në masë të madhe e dëmton shikimin, nganjëherë e shkakton verbërimin.

Insulinë natyrale – Boronica është ilaç i njohur popullor kundër diabetit, prandaj shpeshherë quhet edhe si insulinë natyrale. Në këtë drejtim, sidomos përdoren gjethet e boronicës, madje në formë të çajit. Boronica njihet si preparat natyral për përmirësimin e pasqyrës së gjakut.

(Kosova Sot)