Borell flet për aktakuzën ndaj Presidentit Thaçi dhe marrëveshjen “urgjente” me Serbinë

BE e mbështet fuqishëm punën e Dhomave të Specializuara dhe e konsideron punën e tyre thelbësore për përparimin e mëtejmë të Kosovës drejt BE’së.

Kështu ka thënë Josep Borell, Përfaqësuesi Lartë i BE’së i cili e mban edhe postin e Nënkryetarit të Komisionit Europian, duke iu përgjigjur një pyetjeje të një europarlamentari i cili e ka përmendur aktakuzën që e ka ngritur Prokuroria Speciale në Hagë ndaj presidentit Thaçi, e që ende nuk është konfirmuar nga Gjykata.

“Kjo është një demonstrim i rëndësishëm i Kosovës ndaj sundimit të ligjit që është element kyç për përparimin e Kosovës në rrugën europiane por edhe angazhimin e përgjithshëm të BE’së në Ballkan” thuhet në përgjigje

Në përgjigjen e Borell përmendet në menyrë specifike që aktakuza është ngritur më 24 qershor dhe se ende ndodhet për shqyrtim tek gjyqtari i procedurës paraprake.

Borell ka rikujtuar se në Bruksel kanë filluar bisedimet Kosovë – Serbi duke thënë se është bërë përparim.

“Të dyja palët duhet të bëjnë përpjekje që të arrihet një marrëveshje gjithëpërfshirëse obligative për normalizimin e marrëdhënieve. Një marrëveshje e tillë është urgjente dhe vendimtare në mënyrë që Kosova dhe Serbia të mund përparojnë në rrugën europiane” thuhet në përgjigjen e deputetëve.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).