Bordi i KEK-ut nuk e shkarkon Gjukën

Bordi i Korporatës Energjetike të Kosovës ka injoruar vendimin e Këshillit Ndërministror për Ekonomi rreth shkarkimit të Drejtorit Menaxhues të KEK`ut – Arben Gjukën. Ky Bord nuk do ta shkarkoi Gjukën deri sa të jep mendimin Komisioni Parlamentar i krijuar për shqyrtimin e faturave të KEK`ut, të muajit janar.

Zyrtar nga Qeveria, në kushte anonimiteti, tregojnë se situata rreth vendimit për shkarkimin e Gjukës ka ndryshuar.

“Bordi i KEK’ut dhe Qeveria po presin që të jap fjalën e vetë dhe të fundit komisioni parlamentar për shqyrtimin e faturave të KEK`ut për muajin janar”, tha një burim i Gazetës Express. Gjithashtu, këto burime, tregojnë se për të mos u ekzekutuar ky vendim, Kryetari i Bordit të KEK’ut Fadil Çitaku, ka dalë jashtë Kosovës.

Drejtuesit e Ministrisë së Zhvillimit dhe Ekonomisë, nuk deklarohen rreth kësaj çështje.

“No coment”, tha Gëzim Baxhaku, këshilltar i ministrit Besim Beqaj.(tribuna)