Bordet sfidojnë koalicionin

Dy liderët politikë që kanë nënshkruar ndarjen e pushtetit, Isa Mustafa dhe Hashim Thaçi pritet që shumë shpejt t’i propozojnë edhe zyrtarët e preferuar për t’i dërguar nëpër bordet e agjencive të pavarura, të cilat prej kohësh janë të bllokuara.

Janë një numër i madh i bordeve të këtyre agjencive me mbi 20 sosh që prej kohësh nuk janë duke funksionuar në mungesë të emërimit të anëtarëve të bordit.

Ndërkaq, mësohet se dy liderët partiakë, menjëherë pas emërimit të dhjetëra zëvendësministrave do të merren me çështjen e funksionalizimit të bordeve.

“Pajtimi për bashkëqeverisje në mes liderit të PDK-së dhe atij të LDK-së përfshinë jo vetëm ndarjen e dikastereve qeveritare 50 me 50, por gjithashtu pazari 50-50 është bërë edhe me agjencitë e pavarura”, ka thënë një zyrtar i lartë i PDK-së./zeri/