Bora Latifi prezantohet suksesshëm me ekspozitën e saj personale për nder të 17 shkurtit

Gjilan – Bora Latifi përmes 12 pikturave të saja ka arritur të shpreh talentin e saj dhe dashurinë që ndjen për vizatimin dhe pikturën. Përmes talentit të saj ajo gjithashtu ka arritur të shfaq më së miri epokën deri në ditën e Pavarësisë.

Bora Latifi, është vetëm 12 vjeçare, nxënëse e klasës se VI, në SHMU “Selami Hallaqi”, në Gjilan e cila fal talentit të saj ka arritur që të prezantoi ekspozitën e saj të parë personale në ditën më të veçantë për shtetin e Kosovës, atë të festes së shpalljes së Pavarësisë së Kosovës 17 Shkurtit.

Bora Latifi ndryshe përmes 12 pikturave të saja ka arritur të shpreh talentin e saj dhe dashurinë që ndjen për vizatimin dhe pikturën. Përmes talentit të saj ajo gjithashtu ka arritur të shfaq më së miri epokën deri në ditën e Pavarësisë.

Bora kënaqi të pranishmit derisa drejtori i shkollës z. Florim Maloku në kuadër të programit të organizuar me rastin e festës së Pavarësisë ka përgëzuar për këtë rezultat Bora Jasharin dhe ka uruar që rruga e saj krijuese të përcillet edhe me ekspozita tjera.

Ndërsa Bora Latifi thotë se ndihet e lumtur që ekspozita e saj është pritur mirë nga publiku i pranishëm. “Kam punuar me shumë zell dhe dashuri sepse pasioni im është piktura dhe vizatimet. E bëjë me dashuri punën dhe suksesi im është rezultat pikërisht i përgjegjësisë që kam ndaj këtij profesioni delikat” tha Bora, e cila ndihej e entuziazmuar që mori shumë urime për hapjen e ekspozitës së parë. /rajonipress/