Bomba e policëve që vrau civilë të pafajshëm

Shpend Qerimi kishte hapur derën e një lokali. Kishte parë plotë të rinj, që nuk e dinin se fiks pas 20 minutash do të shpërthente një bombë e do t’ua merrte jetën dy prej tyre dhe t’i lëndonte rëndë 11 të tjerë, shkruan sot Koha Ditore.

“E kam hap derën me ju thanë largohuni, por nuk u kam thanë sepse dikush prej grupit më ka thanë ma shpejt, mos u vono. E kam mshel derën, jam nis drejtë veturave, kam hip në veturën ku kam qenë më herët me të tjerët”, ka treguar Qerimi, të mërkurën, në Gjykatën Themelore në Prishtinë, në cilësinë e dëshmitarit.

Rreth 20 minuta më vonë, ai kishte dëgjuar në radiolidhje Policinë duke kërkuar ndihmë nga emergjenca, zjarrfikësit. Flitej për të vdekur dhe shumë të plagosur nga shpërthimi në bulevardin “Bill Clinton”.

“Bejtullah Mehmeti që ishte në veturë me mu e ndjeu veten keq. Edhe unë ashtu, ndërsa Mehmet Mehmeti tha hajt se krejt janë qasi muta si Sekiraça”, ka treguar dëshmitari Qerimi.

Asokohe, Shpend Qerimi ishte polic. Pretendon se ishte bërë pjesë e një grupi të pjesëtarëve të Njësisë Speciale Operative – ROSU, siç ka dëshmuar ai për t’i vënë bombë Enver Sekiraçës. Ata besonin se Sekiraça kishte organizuar vrasjen e policit Triumf Riza. (Artikullin e plotë mund ta lexoni në numrin e sotëm të Kohës Ditore).
© KOHA.net