Boll me spekulime, Shaqiri mbetet në Bayern

Drejtori i Bayern Munich, Karl-Heinz Rummenigge ka përjashtuar kategorikisht shitjen ose huazimin e Xherdan Shaqirin gjatë kësaj vere.

Pozita e mesfushorit sulmues shqiptar në ‘Allianz Arena’ është luhatur në javët e fundit, pas emërimit të menaxherit të ri, Pep Guardiolas.

E përditshmja gjermane “TZ” ditë më parë ka raportuar se skuadra e Liverpoolit ishte e interesuar për shërbimet e Shaqirit, por legjenda e futbollit gjerman Rummenigge ka këmbëngulur se anësori do të qëndrojnë në Munich.

“Ne nuk do të shesim ose huazojmë Shaqirin”, tha Rumenige gjatë një konferencë për shtyp të mbajtur me rastin e prezantimit të Thiago Alcantaras, lojtar i Bayern Munichut.

“Trajneri është plotësisht i kënaqur me Shaqirin”, shtoi ai.

Shaqiri kaloi në radhët e gjigantit gjerman nga Bazeli vitin e kaluar ndërsa ka kontratë katër-vjeçare me kampionin evropian dhe Bundesligas.