Boksieri nga Gjilani i cili karrierën e tij po e zhvillon në boksin profesionist, nuk ka mundur ta zhvillon meqin e tij në Belgjikë me boksierin Stefan Voda për shkak dokumentacionit.
Ky meqë është dashur të zhvillohet me 11 mars, por autoritetet Kosovare dhe Federata e Boksit Profesionist nuk kanë mundur ta sigurojnë vizën për boksierin Rexhepi me arsye se është shumë vonë.
Leotrim Rexhepi është njoftuar me 21 shkurt për shkuarjen e tij në Belgjikë, por neglizhenca e Ministrisë së Sporteve të Kosovës e Federatës profesioniste të Kosovës ka bërë që Rexhepi mos të zhvillon këtë meqë mjaft të rëndësishëm për karrierën e tij. “Jam përgatitur maksimalisht për këtë meqë i cili është dashur të zhvillohet në gjashtë raunde, por problemi është tek dokumentacioni. Ishte e paraparë që të udhëtoj me trajnerin tim Musli Zymberi, por jam i zhgënjyer pasi tani e tre muaj jam duke u përgatitur për këtë duel por gjithqka shkoi kot”, thekson i zhgënjyer boksieri Rexhepi. Poashtu edhe trajneri Musli Zymberi ka mbetur i befasuar për mos dhënien e dokumenteve nga ambasada e Belgjikës.
“Kemi bërë të gjitha përpjekjet që të pajisemi me dokumenta por ka qenë e kotë, e vetmja përgjigje që kemi marrë ishte se afati është i shkurtë edhe pse kanë qenë në pyetje afër 20 ditë. Mos shkuarja jonë në Belgjikë është një humbje e madh për ne”.
Neglizhenca e njerëzve përgjegjës të cilët nuk i marrin gjërat serioze, më së shumti po i pësojnë qytetarët e në veçanti në këtë rast është boksieri Leotrim Rexhepi i cili është i zhgënjyer tej mase për mos shkuarjen në Belgjikë./rajonipress/
