Boksieri i “Vetëvendosjes”

Pas një debati të ashpër gjatë një debati televiziv që transmetohej live në “Klan Kosova” mes deputetëve Milaim Zeka dhe Frashër Krasniqi, ky i fundit ka goditur me grushte deputetin e NISMA-s për Kosovën.

Ky është rasti i parë kur deputetët kosovarë grushtohen mes vete në ndonjë debat televiziv, raporton portali “Zeri.info”.

Raste të tilla të grushtimit mes deputetëve, opinioni kosovarë mund të kenë parë vetëm në debatet televizive në Rusi dhe Ukrainë, por jo edhe në Kosovë.

Ky është rasti i parë i grushtimit mes politikanëve, i cili nuk i kontribuon fushatës së qetë zgjedhore në vend.

Nëse politikanët kosovarë vazhdojnë me të njëjtën retorikë, atëherë ka rrezik që të ketë edhe raste të sulmeve më të rënda se ky i sotmi në debatet televizive. /Zëri/