Boksieri i Dritës, Endrit Jerliu Kampion i Kosovës për të rinjë

Qyteti i Fushë Kosovës për dy ditë radhazi ishte nikoqir i kampionatit të Kosovës në boks për të rinjë. Boksieri Dritës, Endrit Jerliu ka shkëlqyer në përballje me kundërshtarët e tij duke u shpallur kampion i Kosovës për të rinjë.

Talenti 16 vjeçar, Endrit Jerliu është një boksier me ardhmëri të ndritur në boksin kosovar dhe këtë e ka dëshmuar edhe në këtë kampionat individual, duke na bërë të ditur se nga ky boksier do të pritet shumë në të ardhmen.

Meritë të veçantë për sukseset e këtij talenti kanë edhe dy trajnerët e Dritës, Musli Zymberi e Nazim Halili të cilët me punën e tyre çdo ditë e më shumë po nxjerrin talent në mesë litarëve të ringut.

16 vjeqari Endrit Jerliu për suksesin e arritur në këtë kampionat individual të Kosovës ka theksuar. “Jam shumë i lumtur për këtë sukses individual, i falënderohem trajnerëve të mi dhe familjes sime, shpresoj të arrijë rezultate edhe më të mëdha në të ardhmen”/rajonipress/