Boksieri Edonis Beqiri: Jam krenar që jam shqiptar

Gjilan – Boksieri Gjilanas Edonis Beqiri i cili po bën karrierë të boksit në Gjermani në boksin profesionist po ec me hapa të sigurt drejt një boksieri i cili do të bënë karrierë të madhe të boksit.

Njëzet e një vjeqari Beqiri me mburrje thekson se është krenar që është shqiptar si dhe të gjitha fitoret të cilat i arrin në ringjet e boksit ua dedikon popullit të tij.

Boksieri Edonis Beqiri i cili këtë vit po e mbyll në mënyrë triumfale pasi ishte viti kur për herë të parë kryqëzoi dorezat në boksin profesionist duke u paraqitur në dy meçe po aq fitore.

Beqiri thekson se viti 2017 do të jetë vit i ballafaqimeve të forta në boksin profesionist për këtë boksier në asnjë moment nuk ka pushim pasi në tre muaj te parë të vitit 2017-të do ti ketë tri duele mjaft të vështira.

“Kësmet për festat e fund vitit do të jem në Kosovë, do ti vizitoj të afërmit e mi dhe shokët e mijë por nuk do të ndalem për çdo ditë do të ushtroj sa i përket forcës dhe pastaj do t`ju përkushtohem stërvitjeve tekniko taktike dhe qëndrueshmërisë”, shpjegon boksieri i talentuar Edonis Beqiri.

Beqiri bën të ditur edhe orarin e ndeshjeve në fillim të vitit 2017. “Meqin e parë e kam me 18-të shkurt në ditën e Pavarësisë së Kosovës dhe këtë meqë dua ta fitoj patjetër për këtë ditë të madhe të vendit tim Kosovës, pastaj pasojnë meqet me 4 mars dhe në fund të Prillit, është një orar mjaft i ngjeshur por së bashku me këshilltarin, trajnerin dhe vëllaun tim do t`ja dalim kam besim të madh në ekipin tim i cili punon në mënyrë profesionale”.

Boksieri me origjinë nga Makreshi i Gjilanit Edonis Beqiri ka falënderuar të gjithë ata të cilët e kanë përkrahur dhe të gjithë ata të cilët nuk dyshojnë në asnjë moment në kualitetin e tij të boksierit tejet të talentuar./rajonipress/