Bodo Weber: Perëndimi e di se nivelet e larta të Serbisë janë të involvuara në sulmin në Banjskë

Eksperti ballkanik Bodo Weber thekson se Perëndimi në një farë mënyre insiston në një hetim të Serbisë për atë se cili ishte sfondi më i gjerë i sulmit të 24 shtatorit në Banjskë, por që, siç vlerëson ai, duket se është më shumë një simulim dhe se Perëndimi “bëhet sikur pret rezultate”.

“Perëndimorët e dinë se nivelet e larta të Serbisë janë të involvuara në sulmin në Banjskë”, beson Weber.

Sipas tij, mosreagimi për Banjskën, “simulimi i shokut” është një lloj dritë jeshile për ngjarjet paszgjedhore në Serbi.

Ai tha se për më shumë se një dekadë e kemi parë politikën e dështuar të Perëndimit, pra, siç thotë ai, “duke e shikuar me llupë” të asaj që (presidenti serb Aleksandar) Vuçiq po bën në lidhje me demokracinë dhe sundimin e ligjit, për hir të një marrëdhënieje konstruktive në dialogun me Kosovën.

“Perëndimi është i bllokuar në një simbiozë me pushtetin e regjimit të Vuçiqit, por kjo nuk ka sjellë asnjë nga rezultatet e pritura, theksoi ai dhe shtoi se nuk ka forcë në bashkësinë ndërkombëtare për një përmbysje vendimtare të regjimit në Serbi”.