Blloku veç me Isën

Koalicioni i partive të Bllokut (LDK, AAK, Nisma) nuk do të heqin dorë nga posti i kryetarit të Kuvendit, pasi sipas liderëve të këtyre tri subjekteve politike, me heqjen dorë nga ky post pamundësohet jetësimi i projektit të përbashkët të këtij koalicioni.

Ata më tej kanë thënë se e kanë përkrahjen e deputetëve nga komunitetet joshumicë dhe se janë në komunikim të vazhdueshëm me Lëvizjen “Vetëvendosje”, me të cilën shpresojnë se do të arrijnë marrëveshje të shkruar rreth bashkëpunimit për qeverisjen e vendit.

Këto deklarata i kanë dhënë të premten liderët e koalicionit, LDK, AAK, Nisma pas një takimi të përbashkët./zeri/