Blloku provon zhbllokimin

Liderët e VLAN-it kanë pasur një ditë të vështirë të premten. Ata janë takuar disa herë bashkë, e herë veç e veç dhe në fund kanë dalë me një deklaratë, të cilën e ka transmetuar lideri i Nismës, Fatmir Limaj.

Në këtë deklaratë, Blloku ka shprehur gatishmërinë që të herë dorë nga kryeparlamentari nëse marrin siguri që presidentja Atifete Jahjaga do t’ua jap mandatin për kryeministër pas dështimit të PDK-së. Por burime ndërkombëtare të gazetës kanë shpjeguar se Jahjaga nuk mund t’ia japë këtë siguri, pasi e para e vendit në bazë të opinionit të Gjykatës Kushtetuese obligohet që të mandatojë vetëm mandatarin e një koalicioni që paraqet shumicën por edhe gjithëpërfshirjen shoqërore.

Kësisoj cilido i mandatuar duhet që brenda koalicionit të ketë edhe Listën Srpska. Të njëjtat burime kanë shpjeguar se ambasadorja amerikane, Tracey Ann Jacobson, i është referuar pikërisht kësaj çështje, kur në paraqitjen e fundit publike ka thënë se numrat nuk janë kriteri i mjaftueshëm për të bërë qeverinë. Ajo ka aluduar tek gjithëpërfshirja shoqërore…(Tribuna)