Bletari Metush Maksuti porosit: Mjalti të shndërrohet në ushqim të përditshëm

Gjilan – ”Mjalti ka veti shëruese dhe dobiprurëse për të gjitha kategoritë familjare. Do të duhej që mjalti të shndërrohej në ushqim të përditshëm, ashtu siç ndodhë të servohet në familjet më të avancuara dhe edukuara evropiane. Po të investohej në mënyrë profesionale në sektorin e bletarisë, përfitimet do të ishin shumë më të mëdha”, shprehet Metush Maksuti bletar nga Cërrnica e Gjilanit.

Metush Maksuti, bletar nga Cërrnica e Gjilanit thotë se po të investohej në mënyrë profesionale në sektorin e bletarisë përfitimet do të ishin shumë të mëdha.

Metush Maksuti ka krijuar një traditë të mirë në kultivimin, rritjen dhe shumimin e bletëve, që nga këto krijon mjaltë të cilësisë së lartë.

Maksuti me profesion është policë komunikacioni, por punën e bletarit thotë se e ka traditë familjare. Sipas tij bletaria është një profesion që donë saktësi dhe përgjegjësi.

”Mjalti ka veti shëruese dhe dobiprurëse për të gjitha kategoritë familjare. Do të duhej që mjalti të shndërrohej në ushqim të përditshëm, ashtu siç ndodhë të servohet në familjet më të avancuara dhe edukuara evropiane. Po të investohej në mënyrë profesionale në sektorin e bletarisë, përfitimet do të ishin shumë më të mëdha”, shprehet ai.

Maksuti vlerëson se sektori i mjaltit ende nuk përkrahet sa duhet.

“Ministria e Bujqësisë na ka ndihmuar me subvencione, por kjo duhet të bëhet edhe nga komuna. Anamorava është e njohur për prodhimin e mjaltit dhe kjo u pa edhe në Panairin 2016 ku vërtet ofruam cilësi të lart të mjaltit”, thotë Maksuti.

Ai thotë se urgjente për bletarët është nevoja që ata të kenë mundësi ta bëjnë paketimin e mjaltit në kriteret profesionale që parasheh edhe Bashkimi Evropian.

Maksuti tha se vetë fakti që mjalti ka veti çudibërëse e vlen që në këtë sektor të kemi një përqendrim më të theksuar.

Maksuti thotë se 10 bletë vlejnë sa një lopë qumështore dhe këtu qëndron leverdia e këtij ushqimi. “Mjalti duhet të përdoret si ushqim ditor sepse ka veti shëruese dhe ndikon pozitivisht tek të gjitha grupëmoshat” ./rajonipress/