Bleron Berisha portieri që po çmend futbollin e Gjermanisë

Gjilan – Në mesin e shumë talentëve që ka shteti i Kosovës në futbollin Evropian e më gjerë, është edhe portieri Bleron Berisha me prejardhje nga Gjilani i cili ka lindur në shtetin e Gjermanisë.

Pa asnjë dyshim Berisha po hap karrierën e tij të futbollit me hapa gjigant, edhe pse vetëm 16 vjeçar ai këto ditë ka nënshkruar kontratë tri vjeçare me skuadrën e mirënjohur Gjermane, Magdeburg, skuadër kjo e Ligës së tretë të futbollit të Gjermanisë.

“Gardiani” i ri i Magdeburgut ka cilësi të jashtëzakonshme me gjatësinë e tij prej 1,88 cm dhe peshën prej 83 kg e ka bërë të pakaluar për sulmuesit kundërshtar.

Djaloshi me prej ardhje nga Gjilani, karrierën e kishte filluar në moshën 7 vjeçare për çudi kishte filluar si futbollist për tri vite në skuadrën SV Gemania në qytetin e lindjes Bietigheim-Bissingem, por pastaj dashurohet në rolin e portierit për të mos e braktisur asnjëherë.

Në moshën 12 vjeçare kalon tek skuadra FV Lochgau duke treguar kualitete cilësore.

Mbrojtjet e tij bravuroze nuk mbesin pa u vërejtur në moshën 14 vjeçare kalon në klubin SG Sonnenhof duke mbrojtur për grup moshat U17.

Në këtë klub Bleroni ftohet në përfaqësuesen e Landit Wurtenberg, në këtë përfaqësuese të gjithë futbollistët ishin të Bundesligës dhe të Ligës së dytë të futbollit Gjermanë, në këtë konkurrencë të fort e eliminon portierin e skuadrës së Stuttgartit i cili njiherit ishte edhe portier i Kores së Jugut U20.

Cilësit e Bleronit u dëshmuan në turneun e futbollit “Kampioni i Gjermanisë Jugore 2017”, nga 4 ndeshje ai nuk pranoi asnjë gol.
“Si fëmijë futbollin e kam dashur pasiqë është një sport atraktiv, ndërsa roli i portierit më ka bërë që të dashurohem edhe më tepër në futboll, pasiqë portieri është gjysmë e skuadrës dhe kam bërë sakrifica të mëdha për këto brenda 10 vitesh vetëm të arrijë qëllimet e mija por një meritë të veçantë e ka familja ime e cila ka bërë gjithçka të arrijë synimet e mija dhe për këtë i jam falënderues tërë jetën”, shprehet Berisha.

Talenti Berisha këto ditë ka nënshkruar kontratë tri vjeçare më skuadrën e mirënjohur Gjermane, Magdeburg .
“Jam i lumtur që ju kam bashkangjitur këtij gjiganti futbollistik është skuadër me nam në futbollin e Gjermanisë, në këtë stinor i cili ka përfunduar për dy pikë nuk ka arrit të rangohet në Play Off, ndërsa në këtë stinor të ri do të jetë kandidat potencial të kalon në Ligën e dytë të Bundesligës së Gjermanisë, fillimisht do t`i bashkëngjitëm Akademisë U19 ku do të bëjm gara në Ligën e dytë Regjionale ku më mbetet ti tregoj aftësit e mija prej portieri”, shprehet Berisha.

Berisha nuk mbetet pa u vërejtur edhe nga përzgjedhësi i Kosovës U19 Ramiz Krasniqi, ai e ka ftuar në grumbullim për ti verifikuar cilësitë e Bleronit.
“I jam shumë mirënjohës trajnerit Krasniqi që më dha mundësin t`i bashkëngjitëm U19 të Kosovës, jam ndier shumë krenar në at moment kur kam veshur fanellën e shtetit të Kosovës kam pasur emocione të veçanta shpresoj se nuk do ta zhgënjej trajnerin, do të jap më të mirën që di dhe mundem për shtetin e Kosovës për rezultate kulminante”, shprehet i emocionuar Berisha.

Portieri i ardhmërisë së futbollit të Gjermanisë dhe futbollit Kosovar, Bleron Berisha, i cili simpatizon klubin e Barcelonës dhe idoli i tij në mes portave është portieri i mirënjohur Franqez Kevin Trapp i PSG.
“Endrra ime është që të jem në skuadra të mëdha evropiane, shpresoj se me punë do tja arrijë ndërsa idol i imi i karrierës futbollistike është Kevin Trapp i cili është inspirim i imi”, thekson Berisha.

Nuk ka dyshim se Bleron Berisha ka para vete një karrierë të shkëlqyer, është një fat i madh që futbollit të Kosovës po i vjen një portier për të cilin do të krenohemi për një kohë të gjatë./rajonipress/