Blerimi po kthehet

Mesfushori i Galatasarayt, Blerim Xhemaili, ka deklaruar se po bën përpjekje maksimale për t’u rikthyer nga lëndimi. “Unë pësova një lëndim gjatë përgatitjeve para ndeshjes në Poloni dhe unë vendosa të rikthehesha në Stamboll”, deklaroi mesfushori shqiptar.

“Isha i etur për t’u rikthyer më shpejt, por e kuptova që lëndimi ishte më afatgjatë. Unë jam duke bërë përpjekje që të rikthehem sa më parë dhe do të përpiqem ta bëj më të mirën e mundshme”, përfundoi futbollisti i lindur në Tetovë, i cili e përfaqëson Zvicrën në nivelin e Kombëtareve.

28-vjeçari kishte deklaruar kohë më parë se dëshiron të qëndrojë për një kohë të gjatë te gjiganti turk. Në të kaluarën, ai ka qenë pjesë e skuadrave të ndryshme si: Napoli, Parma e Bolton.