Blerim Xhemajli largohet nga Bologna, zbulohet paga që do ta marrë në Kinë

Mesfushori zviceran me origjinë shqiptare, Blerim Xhemajli, është larguar nga Bologna dhe ka arritur marrëveshje për t’u transferuar në klubin Shenzhen FC.

Bologna FC 1909 e ka lajmëruar sot largimin e Blerim Xhemajlit nga skuadra dhe transferimin e tij në Shenzhen FC përmes një postimi në faqen zyrtare të klubit italian, transmeton Gazeta Express.

“Në emër të të gjithë stafit tonë do të donim të falënderonim Xhemajlin. Përveç kontributit të madh teknik, ai ishte shumë njerëzor, veçanërisht që nga pensionimi i Castelrotto dhe pas lajmit për sëmundjen e trajnerit. Faleminderit Blerim”, shkruhet në postimin e klubit italian.

🎙 | #DeLeo: “A nome di tutto il nostro staff voremmo ringraziare Dzemaili. Oltre al grande contributo tecnico è stato umanamente fondamentale per noi, soprattutto dal ritiro di Castelrotto dopo la notizia della malattia del mister, Grazie Blerim”#BolognaBrescia #WeAreOne pic.twitter.com/QFqsfNDNaN

— Bologna Fc 1909 (@BfcOfficialPage) January 31, 2020
Xhemajli tani do ta vazhdojë karrierën që e nisi në vitin 2005 me FC Zurichun në Kinë me Shenzhenin. Aty ai do të paguhet tre milionë euro në vit dhe kontrata e tij është e vlefshme deri në vitin 2024.

Këtë sezon, Xhemajli i kishte bërë 14 paraqitje për Bolognën në Serie A, në të cilat kishte kontribuar me një gol dhe një asist.

Shuma për të cilën ai u transferua, sipas Transfermarkt, është 1 milion euro. 33-vjeçari ishte bërë pjesë e Bolognas pas transferimit nga Galatasaray në vitin 2016, ndërsa gjatë kësaj periudhe ai ka luajtur për klubin amerikan Montreal Impact. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).