Blerim Xhemaili ndihmon Bolognan ta mposhtë Napolin në xhiron e fundit të Serie A

Bologna e ka mposhtur Napolin në xhiron e fundit të sezonit 2018/2019 në Serie A, me rezultat 3-2.

Ishin vendasit të parët që realizuan gol duke shënuar me anë të Federico Santander në minutën e 43-të, ndërsa Blerim Xhemaili (45’) e dyfishoi epërsinë dy minuta më vonë.

Pjesa e dytë filloi më mirë për Napolin, që arriti ta ngushtojë rezultatin me golin e shënuar nga Fauzio Ghoulam (57’).

Napolitanët nuk u ndalën me kaq, pasi në minutën e 77-të, arritën t’i barazonin shifrat (2-2), me anë të Dries Mertens.

Por, kur u mendua se Bologna dhe Napoli do t’i ndanin pikët, Federico Santander (88’) shënoi golin e tij të dytë, për t’i dhuruar skuadrës së tij tri pikë.

Napoli ka arritur ta sigurojë një vend në Ligën e Kampionëve, pasi e mbylli sezonin në vendin e dytë me 79 pikë, ndërsa Bologna e Blerim Xhemailit u rëndit në vendin e 10-të me 44 pikë. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).