Blerim Shala tregon kur u diskutua ndarja e Kosovës me Serbinë

Në negociatat mes Kosovës e Serbisë, dhe ndërmjetësuesve ndërkombëtarë, në vjeshtën e vitit 2007 është diskutuar edhe modeli i ndarjes së Kosovës, ka bërë të ditur Shala.

Në negociatat mes Kosovës e Serbisë, dhe ndërmjetësuesve ndërkombëtarë, në vjeshtën e vitit 2007 është diskutuar edhe modeli i ndarjes së Kosovës, ka bërë të ditur Shala.

“Ambasadori Ischinger (përfaqësues i Bashkimit Evropian, v.j.) e pat vlerësuar që duhet qitur mbi tavolinë të gjitha opsionet, duke përfshirë edhe ndarjen”, ka thënë Shala.

“Por, ndarja ishte refuzuar në mënyrë kategorike nga të dy palët”, ka treguar Shala.

“Ka qenë në Vjenë takimi, në tetor apo nëntor, tha: ‘Mirë, çka mendoni për ndarjen?’. Të dy palëve u drejtua”, ka rrëfyer këshilltari i Thaçit në T.

Shala ka kujtuar se i menjëhershëm ka qenë reagimi i Serbisë, por edhe i Kosovës.

“Delegacioni i Serbisë reagoi… Edhe ne nuk donim të diskutonim fare”, ka thënë Shala.

Këshilltari i Thaçit ka treguar se në aspekt joformal, nëpër korridore, në Bruksel, pala serbe vazhdueshëm ka insistuar dhe insiston për shkëmbim territoresh.

“Ne mendojmë se është opsion i gabuar dhe shumë i rrezikshëm për raportet Kosovë-Serbi dhe për stabilitetin në Ballkan”, ka deklaruar Shala.