Blerim Reka bisedë telefonike me homologen austriake, flasin edhe për vizat

Ministri në detyrë i Integrimit Europian Blerim Reka ka zhvilluar një bisedë telefonike me Ministren Federale Austriake për BE dhe për Kushtetutën Karoline Edtstadler.

Në këtë bisedë fillimisht u këmbyen informatat mbi gjendjen e pandemisë Covid-19 në të dyja shtetet, ku u konstatua përmirësimi i gjendjes në këto dy vende.

Më poshtë mund ta lexoni njoftimin e plotë:

Njëherit, u bisedua për procesin integrues të Kosovës në Bashkimin Evropian, sidomos për liberalizimin e vizave për Kosovën.

Duke iu falënderuar Austrisë për mbështetjen tradicionale të rrugës evropiane të Kosovës, Ministri Reka i kërkoi Ministres Edtstadler, që si shtet mik i Kosovës, t’i bindë shtetet e pakta hezituese për heqjen e vizave për qytetarët e Kosovës, si në prag të Samitit të Zagrebit të BE me vendet e Ballkanit Përendimor, po ashtu edhe gjatë samitit të rregullt të Këshillit Evropian në qershor 2020.

Nga ana e saj,MinistrjaEdstadaler ri-konfirmoi përkrahjen austriake për Kosovën në procesin integrues dhe në veçanti për liberalizimin e vizave, sepse siç tha ajo, po shihet qartë përparimi në fushën e sundimit të ligjit, luftës kundër korrupsionit dhe luftën kundër krimit të organizuar. Ministrja Edtstadler tha se Kosova do ta ketë mbështetjen e Austrisë në këtë proces. Ajo theksoi se Programi Qeveritar i Austrisë mbështet tutje përpjekjet për arritjen e liberalizimit të vizave, sa më shpejtë që të jetë e mundur.