Blerim Kuçi: Dikush edhe në Kosovë ka gisht në ndalimin e Haradinajt

Sekretari i përgjithshëm i Aleancës për Ardhmërinë e Kosovës (AAK), Blerim Kuçi, ka thënë se javën e ardhshme presim lirimin e liderit të tyre Ramush Haradinaj nga Franca.

Ai ka thënë për “Express” se janë plotësisht të pakënaqur me institucionet e Kosovës lidhur me këtë proces. Sipas Kuçi, zgjatja e këtij procesi lë shumë pikëpyetje se për ndalimin e tij, përveç Serbisë, kanë gisht edhe në Kosovë.

Ai ka theksuar se ky dyshim do të vërtetohet edhe më shumë nëse rikthehen në parlament demarkacioni e asociacioni.
Sekretari i përgjithshëm i AAK-së ka bërë me dije se kjo parti qysh tash është gatshme për zgjedhje, duke shprehur i bindur në fitore. “Pritjet i kemi pasur edhe më herët se do të lirohet. Do të lirohet edhe më herët. Do të ishte shumë normale po të lirohej. E para, më së miri do të ishte të mos ndalohej fare. E dyta, të lirohej në seancat paraprake. Normalisht, edhe më 6 prill presim që z. Haradinaj të lirohet. Aleanca vlerëson se ndalimi i Haradinajt është proces politik që po zhvillohet në Francë, nuk e di pse, tash edhe më 6 prill nuk e dimë saktë se a do të lirohet, apo me të 15’in.. Nuk e di”, ka thënë Kuçi.