Blerim Hajdari përzgjidhet trajner i Kombëtares së Kosovës në karate për kumite kadet e junior

Gjilan – Trajneri i karatesë, Blerim Hajdari tani e 45 vite është në pjesë e këtij sporti, duke dhënë një kontribut të jashtëzakonshëm si në atë ekipor, poashtu edhe individual, duke e bërë një trajner mjaftë të çmuar e kualitativë.

Blerim Hajdari në sportin e karatesë është një pionier i saj, pasiqë që nga mosha 11 vjeçare ishte dashuruar në këtë sport luftarak në klubin e parë të karatesë në Gjilan “Zenel Hajdini”.

Gjatë karrierës trajneri Hajdari ka lënë gjurmë të pashlyera me sukseset e tij, si në anën edukative, poashtu dhe atë profesionale, duke nxjerr talent të mëdhenj në sportin e karatesë e më pastaj duke vazhduar në KK Drita gjerë më sot. Federata e Karatesë së Kosovës duke parë punën cilësore te trajnerit Hajdari, ka marrë vendim që Hajdari të jetë trajner i Kombëtares së Karatesë së Kosovës në kumite për kadet e junior.

“E falënderoj Bordin e Federatës së Karatesë së Kosovës për besimin që më kanë dhënë. Është një privilegj i jashtëzakonshme të punoj e të kontribuoj për sukseset e kadetëve e juniorëve. Jam i bindur se së bashku me selektorin Leutrim Pepaj, do të punojmë në përzgjedhjen, motivimin, udhëzimin dhe shkëlqimin triumfal nëpër arenat ndërkombëtare, kudo që do të paraqitemi”, ka bërë të ditur trajneri Blerim Hajdari.

Trajneri Hajdari i cili ka një karrierë të pasur me karateistë, ka bërë të ditur se tani po fillon një epokë e re në karrierën e tij, duke theksuar se do të ketë edhe një motiv shtesë që talentët e karatesë do ti kenë dyert e hapura në Kombëtaren e Kosovës, për ti shprehur cilësitë e tyre./rajonipress/