Bleona, Madonna shqiptare?

Bleona Qereti thotë se asaj i pëlqen fakti që disa e kanë krahasuar me mbretëreshën e muzikës pop, Madonna.

Këngëtarja nga Shqipëria, e cila është në tentim për të lansuar karrierë ndërkombëtare në SHBA, e ka takuar Madonnën “e vërtetë” në një party në SHBA dhe ka vetëm fjalë të mira për të.

“A më pëlqen Madonna? Sigurisht që më pëlqen Madonna. Për mua ka krijuar një karrierë të jashtëzakonshme”.

“Ajo është fantastike dhe një star i vërtetë në çdo moment. E kam takuar këtë vit në Oscar after-party që organizonte në shtëpinë e saj”, ka thënë Bleona për mediat shqiptare.