Blendi Fevziu: Pusho!

Moderatori i emisionit “Opinion” Blendi Fevziu, mbrëmë, si çdo të enjte zhvilloi emisionin e tij, por me një tension dhe siklet të madh. Kohëve të fundit është vërejtur se Blendi ka ashpërsuar gjuhën ndaj disa të ftuarve special, duke iu drejtuar ashpër dhe shpesh duke injoruar përgjigjet e kërkuara.

Fevziu ka patur të ftuar në program ministrin e Transporteve, Sokol Olldashin përball Artan Lames së Partisë Socialiste. Por të gjithë kanë ngelur të habitur kur në një moment studioja filloi të buças nga zëri i Blendit.

“Pusho, pusho. Pusho ore të them. Mos lëviz fare. Mbylle gojën po të them. Merr vesh ti, apo jo? Ai s’të ndërhyri, ti mos i ndërhy. Ore, dëgjon ti apo jo, pushooooo. Kur të mbarojë z. Olldashi, fillo ti. Po pusho or të them. Po deshe merr edhe shkopin e dil aty bëj oponencë,” transmetojne mediat shqiptare reagimin e moderatorit një moment dobësie, pasi përplasi shkopin e prezantuesit dhe iu drejtua Lames. /Indeksonline/