RCCOLA

Biznesi me çmime marramendëse të dasmave, restorante e hotele pasurohen brenda natës

/ 2 minuta lexim

Gjilan – Dasmat në Gjilan e Anamoravë zhvillohen ose organizohen me çmime të shteteve të perëndimit. Qytetarët thonë se sot një dasme më së pakut kushton 10 mijë euro derisa më e shtrenjta 30 e 40 mijë. Pronarët e këtyre hoteleve e restoranteve po pasurohen brenda natës, xhepi i varfër i qytetarëve përballë çmimit dhe standardit evropian.

Qytetarët gjilanas kur pyeten për punën e organizmit të dasmave menjëherë kanë alergji ndaj kësaj situate për shkak të çmimeve të larta që kanë hotelet e restorantet.

Milaimi një qytetar gjilanas thotë se vitin e kaluar ka shikua tri oferta për dasmën e djalit por që të trijat ishin me çmime marramendëse.

UBT

”Nuk ma mbajti xhepi sepse vërtet ishin çmime me standardë të Zvicrës e Gjermanisë. Kjo është e patolerueshme sepse çmimet duhet të sillen paralel me pagat e qytetarëve” thotë ai.

Skenderi një tjetër qytetar thotë se dasma është punë qejfi dhe nëse ke të holla e organizon në Hotel, po nëse nuk ke ceremoninë e mbanë me xhepin që e ke.
“Unë para dy vitesh e kam martuar djalin dhe me shpenzime minimale kam kapërcyer sepse aq e kisha kaçikun” shprehet ai.

Por, Misini një tjetër qytetar thotë se biznesi më i madh në Gjilan bëhet me dasma sepse janë të shtrenjta dhe fitohet shumë.
”Pronaret e hoteleve dhe të restoranteve po pasurohen brenda natës sepse një dasme më thjeshta kushton nga 10 mijë deri 40 mijë euro ndërsa ushqimi është i dobët dhe jo kualitativ” tha Misini./rajonipress/