Bizneseve u ngushtohet laku me mosliberalizimin e vizave

Mungesën e liberalizimit të vizave po e paguajnë më së shtrenjti bizneset kosovare. Shumë kompani kanë investuar në standardizim, kanë investuar në certifikim dhe kanë punuar që të jenë konkurrentë me cilësi, por mungesa e liberalizimit të vizave dhe pritja e tyre për viza është dëmi më i madh që e godet prodhuesin vendor.

Grapci: Me liberalizimin e vizave do të hapen vende të reja të punës.

“Të gjitha këto aranzhmane të MSA-së mbeten të pakuptimta pa heqjen e vizave. Kosova asnjëherë nuk do ta fuqizojë pozitën e vet konkurruese në tregjet evropiane me viza në qafë të ndërmarrësve të Kosovës”, është shprehur Prof. Dr. Muhamet Sadiku,raporton Gazeta Kosova Sot

Mungesën e liberalizimit të vizave po e paguajnë më së shtrenjti bizneset kosovare. Shumë kompani kanë investuar në standardizim, kanë investuar në certifikim dhe kanë punuar që të jenë konkurrentë me cilësi, por mungesa e liberalizimit të vizave dhe pritja e tyre për viza është dëmi më i madh që e godet prodhuesin vendor. Kështu shprehen njohës të çështjeve ekonomike e deputetë.

Sipas tyre, polarizimet politike janë fajtorët kryesorë që po e lënë Kosovën jashtë agjendës evropiane ku më së shumti po goditen bizneset që duhet të sorollatën për një vizë.

batimi i MSA-së Eksperti i ekonomisë Prof. Dr. Muhamet Sadiku theksoi për “Kosova Sot” se BE-ja ia ka hapur mundësinë Kosovës për tregti të lirë përmes MSA-së, duke i mbrojtur ende disa prodhues kosovarë nga konkurrenca evropiane, por duke i ekspozuar disa të tjerë. “Por, të gjitha këto aranzhmane të MSA-së mbeten të pakuptimta pa heqjen e vizave. Kosova asnjëherë nuk do ta fuqizojë pozitën e vet konkurruese në tregjet evropiane me viza në qafë të ndërmarrësve të Kosovës”, është shprehur ai. Sadiku shton se nëse duan përparim BE-ja, atëherë duhet shmangur vizat për njerëzit biznesmenë të Kosovës që do të ndërtojnë kapacitete konkurruese. “Duket që kemi tregti të lirë me BE-në, por pa lëvizjen e lirë për njerëzit e Kosovës nuk ka kuptim”.

Sipas tij, përderisa është kështu nuk duhet pritur çudira në zbatimin e MSA-së. Deputeti i opozitës, Salih Salihu, nga Lëvizja VV, theksoi se polarizimet e mëdha politike po shkaktojnë stagnim të madh për rrjetin biznesor. “Pengesën më të madhe sigurisht që e kanë bizneset, të cilat kanë shpenzuar shuma të mëdha vetëm që produkti i tyre të jetë më cilësore dhe profitabil, mirëpo fatkeqësisht një padrejtësi e tillë më së shumti po i dëmton ata”.

Ai thotë se MSA-ja është një arritje e madhe, mirëpo rolin profitabil për biznese s’mund ta ketë akoma, kur Kosova aktualisht nuk konsiderohet pjesë e zonës liberale./kosova sot/