Bizneset kërkojnë lehtësira doganore

Prodhuesit kosovarë vlerësojnë se nëse plotësohet Ligji për Mallrat e Liruara nga Detyrimet Doganore kjo paraqet themelin e rritjes së prodhimit në vend. Të dhënat e Doganave të Kosovës për vitin 2013 tregojnë se kemi pasur më shumë se 2.5 miliardë importe mallrash përderisa eksportet tona janë diku më shumë me 400 milionë euro.

Ndërkohë që, sipas zëdhënësit të Doganave të Kosovës, Adriatik Stavileci, mësohet se në fillimivitin e pjesës së parë sivjet kemi një rritje të eksporteve krahasuar me importet.

Ekonomisti në Odën Ekonomike Amerikane, Visar Hapçiu, menaxher i politikave dhe marrëdhënieve me Qeverinë tonë, thotë se duke pasur parasysh bilancin aspak të favorshëm tregtar të cilën Kosova e ka, mbështetja e industrisë së prodhimit është e shumë e rëndësishme, shkruan Kosova Sot.

“Një ndër masat që duhet të shërbejë si shtysë për prodhimin në vend është edhe Ligji për Mallrat e Liruara nga Detyrimet Doganore, i cili duhet të zgjerohet më tej që të përfshijë sa më shumë produkte që përdoren nga kompanitë si lëndë e parë në prodhim. Kjo do të ndihmonte që kompanitë në Kosovë të bëhen më konkurruese në raport me kompanitë nga rajoni”, është shprehur ai. /Telegrafi/