Bizneset e vogla: Veç Luta mundet me na shpetue!

Gjilan – Në kuadër të javës për mbrojtjen dhe stimulimin e bizneseve vendore, kandidati i Lidhjes Demokratike të Kosovës për kryetar të Gjilanit, Lutfi Haziri, ka vizituar sot bizneset e vogla, duke iu dhënë përkrahje maksimale në funksionimin e suksesshëm të tyre.

Pronarët e këtyre bizneseve thanë se pushteti aktual ua ka pamundësuar funksionimin normal të punës, me tatimet e larta dhe me mos investim në infrastrukturën elementare, përderisa u shprehën se shpëtimin nga këto probleme e shohin pikërisht te Lutfi Haziri.

Pasi dëgjoi hallet e pronarëve të bizneseve të vogla, kandidati i LDK-së, Lutfi Haziri, ka premtuar se do ta heq taksën fillestare komunale me të ardhur në krye të Gjilanit.

“Bizneset e vogla fatkeqësisht s’kanë përkrahje fare. Unë dhe ekipi im angazhohemi që këtë sferë ta ndihmojmë së pari duke ua hequr taksën fillestare komunale në 2-3 vitet e ardhshme, do t’ju mbrojmë nga informaliteti dhe ju garantoj se do t’ua zgjidhnim problemet në infrastrukturën primare si: ujin, kanalizimin dhe ndriçimin publik.

Haziri poashtu iu premtoi përkrahje dhe subvencione të tjera në këtë sferë, karshi politikave zhvillimore të Gjilanit./rajonipress/