Biqkaj: Prioritet i yni mbesin shërbimet më të mira dhe të shpejta për qytetarët

Gjilan – Faton Biqkaj thotë se Administrata në Komunën e Kamenicës gjatë këtij viti ka pasur një aktivitet të shtuar të punës në Qendrën për Shërbime të Qytetarëve dhe shumë kërkesa për pronë si ndërrim të pronës, e shfrytëzim të pronës komunale. Biqkaj thotë se transparenca dhe llogaridhënia mbeten gjithashtu një synim tjetër që qeverisja e Begzad Sinanit po e bënë çdo ditë në të gjitha sferat.

Faton Biqkaj udhëheqës i personelit në Kamenicë thotë se synimet e tij dhe të qeverisjes komunale mbesin shërbimet më të mira dhe më të shpejta për qytetarët, trajnimi dhe avancimi i stafit të drejtorisë, ulja edhe më shumë e shpenzimeve të panevojshme, raporton rajonipress.

Biqkaj tha se ne kemi arritur që krahasuar me periudhën e njëjtë të vitit paraprak të ulën shpenzimet për mallra e shërbime deri në rreth 50%, ndërsa kemi shtuar efikasitetin dhe përgjegjësinë në punë. “Në komunën tonë shërbimet kryhen për pak minuta, ndërsa palët inkurajohen që të paraqesin vërejtjet e veta në çdo kohë nëse kanë duke iu drejtuar me shkrim zyrës së personelit” tha Biqkaj.

Biqkaj thotë se transparenca dhe llogaridhënia mbeten gjithashtu një synim tjetër që qeverisja e Begzad Sinanit po e bënë çdo ditë në të gjitha sferat./rajonipress/