Biqkaj: Platforma e LDK-së është e vetmja alternativë për të ecur përpara me përgjegjësi, vizion dhe përkushtim

Kamenicë – Para 6 vitesh mora drejtimin e LDK-së në Kamenicë. Sot, po përmbyllim një kapitull gjashtëvjeçar që nuk ishte i lehtë, as për LDK-në në nivel vendi, e as për degën tonë ka shkruar Jeton Biqkaj.

Postimi i plotë:

Gjatë kësaj periudhe, LDK është përballur me një populizëm të paparë ndonjëherë në Republikën tonë. Por maskat e populizmit po bien, dhe LDK po rikthehet në vendin e saj natyral, në zemrën e qytetarisë kosovare.
Tashmë janë shpallur zgjedhjet lokale.
Platforma e LDK-së është e vetmja alternativë për të ecur përpara me përgjegjësi, vizion dhe përkushtim.
Ajo bëhet edhe më e fuqishme kur jemi bashkë, rugovistë e djathtistë, të rinj e të reja, profesionistë e punëtorë.
Procesi që kemi përpara do ta fuqizojë LDK-në, sepse jemi bashkë për LDK-në dhe për shtetin, jo në shërbim të pushtetit!