BIPBM përgëzon përurimin e shtëpive solidare

Në përurimin solemn të 20 shtëpive solidare të Fondit Fondit Humanitar të Kosovës Lindore nga Cyrihu në Preshevë, morën pjesë përfaqësues ja jeta institucionale, politike, shoqëria civile si dhe përfaqësues nga Ambasadat e Akredituara në Beograd.

Ftesës në këtë manifestim përurimi mori pjesë aktive me ftesë edhe kryemyftiu i Luginës, Nexhmedin ef. Saqipi, të cilit nga organizatori iu dha fjala përshëndetëse si dhe një Mirënjohje për kontributin e dhënë në realizimin e misionit të këtij Fondi për ndërtimin e 100 shtëpive solidare për ata që nuk kanë kulm mbi kokë.

Gjatë fjalimit përurues H. Nexhmedin ef. Saqipi, falënderoi Ambasadorin e Zvicrës në Beograd, për interesimin e shfaqur për ta ndihmuan aksionin e Fondacionit për sigurimin e shtëpive për njerëzit në nevojë.

BIPBM-ja e vlerëson lartë aksionin e Fondit Humanitar të Kosovës Lindore nga Cyrihu, për ndërtimin e shtëpive humanitare për skamnorët, ndaj edhe ka bërë thirrje publike tek xhematlinjtë e Luginës, që sadakën e tyre të udhëzuar nga Allahu xh.sh, ta drejtojnë në realizimin e aksionit shumë të qëlluar e fisnik të këtij Fondi në sigurimin e shtëpive për ata që kanë nevojë ta kenë një kulm mbi kokë, njofton Agjencia e lajmeve kombëtare Tërnocipress.