BIPBM: Përgëzime për fitore

Bashkësia Islame për Preshevë, Bujanoc dhe Medvegjë BIPBM, me në krye liderin e saj Myftiun Nexhmedin ef. Saqipi, uron koalicionet e subjekteve politike, për rezultatet e arritura gjatë procesit votues për Këshillin Nacional, në Luginën e Preshevës.

Gjithashtu, BIPBM, përgëzon gjitha subjektet politike, shoqërinë civile, grupimin e qytetarëve dhe elektoratin në përgjithësi, për pjesëmarrje aktive në këto zgjedhje, si dhe për kulturën e lartë politike, që treguan gjatë këtyre zgjedhjeve, me rëndësi për shqiptarët e Luginës së Preshevës.

Votimi i qetë, fer dhe demokratik, tregon kulturën dhe edukatën e votuesve shqiptarë, të cilët gjithmonë kanë treguar një shembull të mirë gjatë zgjedhjeve për pushtet lokal, parlamentar, e tashti edhe për zgjedhjet nacional.

BIPBM, konsideron se me këto zgjedhje kanë fituar të gjithë shqiptarët, ngase pjesëmarrja e përgjithshme e tyre, e kanë ndryshuar kuptim partiak, që kishte dikur ky institucion.

BIPBM, edhe më herët e pat kërkuar që Këshilli Nacional, të jetë gjithëpërfshirës, ndaj uron që aji në të ardhmen të jetë funksional dhe i pranueshëm për të gjithë, njofton, Qendra Informative pranë BIPBM-së./rajonipress/