Ish-kryeministri i Suedisë, Carl Bildt, ka reaguar pas telefonatave që Sekretari Amerikan, Antony Blinken ka zhvilluar me kryeministrin e Republikës së Kosovës, Albin Kurti dhe presidentin serb, Aleksander Vuçiq, raporton Express.
Bildt ka shkruar se është e rëndësishme që përmes mbështetjes së fuqishme të SHBA-së për negociatat që po lehtësohen nga Bashkimi Evropian të thyhet bllokada e gjatë në mes të Prishtinës dhe Beogradit.
Politikani suedez thotë se të dy shtetet duhet të kenë një interest ë fortë për të ecur përpara në raportet e tyre me Bashkimin Evropian.
“Është e rëndësishme që me mbështetje të fortë SHBA-së për përpjekjen e vazhdueshme të lehtësuar nga BE të thyhet ngërçi i gjatë midis Serbisë dhe Kosovë. Të dy vendet duhet të kenë një interes të fortë për të ecur përpara edhe në marrëdhëniet e tyre me BE-në”, ka shkruar Bildt.
