“Bild”: Milot Rashica më në fund do të shitet verës, kjo gjë do t’i ndihmonte Werder Bremenit

Milot Rashica raportohet se është duke kaluar sezonin e fundit te Werder Bremeni, shkruan Zeri.info.

Në verën e vitit të kaluar dhe në janar të këtij viti, Rashica ishte i lidhur ngushtë me një largim nga skuadra gjermane, por që kjo nuk ndodhi.

Megjithatë, “Bild” shkruan se reprezentuesi i Kosovës do të largohet sigurtë gjatë afatit kalimtar të verës.

“Një gjë është e qartë: Golat do të ndihmonin Rashicën dhe gjithashtu Werderin. Sepse në verë kosovari më në fund do të shitet. Me shumë gola, Rashica më në fund do ta rekomandonte veten përsëri te klubet e tjera dhe mund t’i sillte Werderit një çmim më të lartë” – thuhet në artikullin e gazetës gjermane.

Sulmuesi vushtrrias ka kontratë të vlefshme me Werder Bremenin deri më 30 qershor të vitit 2022.

Derisa ende nuk ka renovim të kontratës, kontrata aktuale “detyron” klubin gjerman ta shesë lojtarin gjatë këtij viti, për të mos e humbur me parametra zero në vitin e ardhshëm. /Zeri.info