Bie “perdja” në Superligën e Kosovës, Feronikeli kampion, Gjilani e Trepça’89 në barazh

Pas 33 javëve me plot emocione në Superligën e Kosovës në futboll, Feronikeli nga Drenasi shpallet kampion me plot meritë, pasiqë në ndeshjen e fundit ka arritur ta mposht Prishtinën 1-0.

Dy skuadrat nga qyteti i Gjilanit, Drita dhe Gjilani, këtë edicion të garave kanë zhgënjyer me lojërat e tyre, Drita ish-kampioni i edicionit të kaluar nuk ka arritur më tepër se në pozitën e 4-të, ndërsa Gjilani edhe pse me kushte tejet të mira fatin e saj do ta përcakton në ndeshjen e barazhit me skuadrën e Besës së Pejës, ndeshje e cila zhvillohet me 2 qershor, por vendi se ku do të zhvillohet ende nuk është bërë i ditur.

Edhe sot Gjilani ka pësuar humbje nga skuadra e Ferizajit me rezultat 2-1, ndërsa Drita ka pësuar në Suharekë ndaj Ballkanit me rezultat 2-0.

Gjilanit në ndeshjen e barazhit do t`i bashkëngjitet edhe Trepca’89 nga Mitrovica e cila do të ballafaqohet me Vëllaznimin e Gjakovës./rajonipress/