Betonohet toka bujqësore në Kosovë

Afër 500 hektarë tokë bujqësore Kosova humbet për çdo vit. Por, që nga paslufta në Kosovë nuk ka asnjë të dhënë zyrtare rreth humbjes së tokës bujqësore nëpër komuna.Megjithatë, me regjistrimin e bujqësisë që është duke ndodhur do të dihet saktë se cilat komuna janë kampione të degradimit të tokës bujqësore.

Viteve të fundit, një pjesë e madhe e tokave të bukës janë shndërruar në zona industriale, banesa kolektive, objekte afariste e komerciale, etj.

Albulena Maloku nga zyra për media në Ministri të Bujqësisë, thotë se humbjet e tokës bujqësore nuk janë raportuar nga shumica e komunave. Maloku thotë se me regjistrimin që është duke u kryer, do të dihet saktë sa është humbja e tokës bujqësore./tribun