Beso në shiun
RajoniPress
08:09, 24 Shtator, 2015
Kur kthjellen sytë e tu e mbillen në f’tyrën time, ajo kupë e kaltër e pafundshme, humb mes dritash e ndizet nëpër dej
Thellë afsheve të shpirtërave
avujt e trupave tanë
flakërohen duke u larë në zjarr
Prapa nesh retë e pritjes erëra grishin
ndeshje buzësh e bubullimash
e shi e shi e shi
mbi etjet tona të djegura
E dashur
beso e lutu për shiun që njomë barin e tharë
poreve tona të plasaritura
Beso në pikëlat që miklojnë
flokëve tua
mbi fytyrën time
Beso se ai shi
rigon nga qielli i syve tu
në portretin që strehohet sye t’ mi
E nuk është kush tjetër
pos ti
ti
Mëkati im i ri
Sabit Rrustemi
( E përpunuar më 10 korrik 2015 )
