Besnik Krasniqi: Kundër Fushë Kosovës shkojmë për fitore

Gjilan – Në konferencën për media para takimit kundër Fushë Kosovës, mbrojtësi i Dritës, Besnik Krasniqi, ka deklaruar se skuadra “Bardh e Kaltër” është gati për ndeshjen.

“Jemi stërvitur për dy javë dhe tani po i kthehemi fushës. Sa i përket KF Fushë Kosovës ata kanë një ekip shumë të mirë, mirëpo dhe ne jemi të gatshëm. Sigurisht që atje po shkojmë për fitore”, ka thënë Krasniqi.

Ndeshja KF Fushë Kosova – FC DRITA zhvillohet të shtunën, ora 15:00, stadiumi “Sami Kelmendi” Lipjan./rajonipress/