Besnik Hasi mendon ta transferojë Adnan Januzajn te Anderlechi

Adnan Januzaj mund të rikthehet në klubin ku nisi karrierën e tij si futbollist profesionist, pasi gazetës belge Het Laatste Nieuws, Anderlecht ka hyrë në bisedime me menaxherin e tij për një transferim të mundshëm gjatë kësaj vere.

Klubi belg aktualisht drejtohet nga Besnik Hasi, i cili e njeh mirë futbollistin pasi vijnë të dy nga Kosova.

Sevilla, klubi që zotëron kartonin e 30-vjeçarit, i ka dhënë dritën jeshile për largim dhe po kërkon mënyra për të ndërprerë kontratën që është e vlefshme deri në verën e vitit 2026.

Januzaj është lojtari më i paguar te klubi andaluzian, gjë që ka ndikuar në gatishmërinë e tyre për të mbyllur bashkëpunimin.

Sezonin e fundit ai e kaloi në formë huazimi te Las Palmas, ku u paraqit në 18 ndeshje në La Liga, duke shënuar dy gola dhe regjistruar një asistim.

i
As Las Palmasi dhe as Sevilla nuk e kanë në planet e tyre për sezonin 2025/26.

Januzaj e nisi karrierën e tij në akademinë e Anderlechtit para se të transferohej te Manchester United, ku shpërtheu si talent i madh në Ligën Premier. /Telegrafi/