Besim Murati golfisti nga Gjilani që po e prezanton fuqishëm flamurin e Kosovës në SHBA

Gjilan – Besim Murati njihet nga vendasit e tij në Gjilan e Kosovë si një djalosh që e ka dashur sportin e karatesë, por ai së fundit po tregon rezultate shumë mbresëlënëse në Nju Jork të SHBA në garën e Golfistit.

“Kur e ke flamurin e shtetit tënd në krah siç është ai Kosovës nuk ke asnjë arsye me u ndie keq, përkundrazi po më motivon çdo ditë e më shumë që të arrijë rezultate dhe ta përfaqësojë edhe Kosovën në mënyrë dinjitoze”. Kështu thotë për rajonipress Besim Murati i cili po garon në garat ndërkombëtare e kombëtare në Nju Jork si golfist.

Besim Murati ka pasur një perspektivë të shkëlqyeshme si karatist, por edhe në këtë fushë të golfit ai po tregohet i suksesshëm.

Murati thotë se kjo garë mbahet çdo vit në Clubin Rye Golf Club at Westchester NYC dhe quhet “Presidens Cup USA Team VS International Team”, ku në mesin e tyre më kanë zgjedhur edhe mua të jem në mesin e tyre qe tre vite. “Kjo garë ka filluar që gjashtë vite më parë kështu që “International Team” ka fituar katër Cupa kurse USA Team dy Cupa. Çdo vit është duke u bërë me interesant dhe ajo që më bënë të motivohem është kur e mbaj Flamurin e Kosovës duke prezantuar shtetin tim, gjithashtu edhe qytetin tim të bukur Gjilanin” shprehet Besim Murati.

Murati tha se ky sport është i shtrenjtë, por kënaqet njeriu e sidomos kur e ke flamurin e shtetit tënd në krah./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).