Besarta Kastrati pranon se ka vrarë Fidan Shabin

/ 1 minutë lexim

Besarta Kastrati, vajza e biznesmenit pejan Salih Kastrati, që vdiq kohë më parë nga një sulm me bombë, pranon se e ka vrarë Fidan Shabin, që ishte shpallur para më shumë se 10 ditësh i zhdukur e u gjet të shtunën i vrarë.

Burime të “Klan Kosovës” kanë bërë të ditur se pranimin e krimit ajo e ka bërë në prani të avokatit të saj, por, sipas saj, “motivi i vrasjes nuk ka të bëjë asgjë me babin e saj”.

Fundamenti

Këto burime kanë bërë me dije se Besarta ka thënë se Shabi e kishte dhunuar kohë me parë dhe se në të gjallë të babait të saj, tash të ndjerit Salih Kastrati, asaj i ka ardhur turp të tregonte.

Besarta ka thënë para hetuesve se vrasjen e ka kryer me armen e viktimës, revolen e Fidan Shabit. /indeksonline/