Besart Berisha shënon ndaj ish-skuadrës
RajoniPress
15:27, 13 Dhjetor, 2019
Sulmuesi kosovar e ka rikthyer shkëlqimin pasi u rikthye në futbollin australian. 34 vjeçari po luan me sukses në ekipin Western United FC
Besart Berisha e ka dënuar ish-skuadrën e tij, Brisbane Roar, shkruan Gazeta Express.
Sulmuesi kosovar ka shënuar gol në fitoren 2:0 të ekipit të tij, Western United FC ndaj ish-ekipit.
Veterani i sulmit e shënoi golin e qetësisë për ekipin e tij në minutën e fundit të pjesës së parë.
Ndërkaq, golin e parë të mysafirëve e shënoi Connor Pain në minutën e 11-të.
Berisha u prit si hero nga tifozët e Brisbane, ku kishte fituar gjithçka në eksperiencën e tij.
Pasi luajti më pas edhe në Melbourne Victory, prishtinasi ishte transferuar në futbollin japonez, ku nuk pati eksperiencë pozitive.
Ndërsa, këtë verë u rikthye në futbollin australian, ku deri tash ka realizuar 5 gola në 9 ndeshje. /Gazeta Express/
