Besart Berisha është fantastik
RajoniPress
09:15, 5 Prill, 2015
Besart Berisha është një lojtar fantastik. Kështu mendon bashkëlojtari i sulmuesi kosovar tek Melbourne Victory, Kosta Barbarouses. Ai beson se ish-përfaqësuesi shqiptar mund të shkëlqejë në ndeshjen e së dielës ndaj Wellington Phoenix.
“Besarti ishte fantastik për ne. T’i shënosh 11 gola është mjaft statistikë e mirë, duke e konsideruar se kanë mbetur edhe pesë ndeshje deri në fund”, deklaroi Barbarouses.
“Mendoj se kolektivisht nuk kemi luajtur aq mirë në javët e fundit dhe kjo është vërejtur edhe tek Besarti. Mirëpo, kur e ka vetëm një gjysmë rasti, ai zakonisht shënon”, vazhdoi sulmuesi i Victory. “Berisha po ashtu ka dhuruar edhe disa asistime”, përfundoi ai. Berisha ka dhuruar pesë asistime nga 21 ndeshje në Kampionatin australian. /Zëri/
