Besart Berisha afër rekordit në Australi

Besart Berisha ngjitet në kuotën e 89 golave në kampionatin australian, vetëm një më pak se Arshi Thompson që është shënuesi më i mirë.

Melbourne Victory si mysafire ka shënuar fitore WS Wanderers me rezultat 3:0. Kjo fitore erdhi falë sulmuesit shqiptar, Besart Berisha, i cili i shënoi tre golat e kësaj sfide, shkruan albinfo.ch.

Golin e parë prishtinasi e shënoi në minutën e 32-të të pjesës së parë. Në pjesën e dytë Berisha realizoi me kokë për 0:2 në minutën e 66-të. Ndërkohë, golin e tretë dhe të fundit në këtë takim Besarti e shënoi tetë minuta para fundit të ndeshjes.

Pas këtyre tre golave të shënuar, Berisha është i pari në listën e realizuesve me tetë gola në nëntë ndeshje këtë sezon.

Ndërkohë, Berisha ngjitet në kuotën e 89 golave në kampionatin australian, vetëm një më pak se Arshi Thompson që është shënuesi më i mirë. Sulmuesi që zgjodhi të përfaqësojë Kosovën barazoi Sheyn Schmeltzin.

http://www.albinfo.ch/besart-berisha-afer-rekordit-ne-australi/