Besa Kokëdhima paralajmëron projektin e radhës

Këngëtarja e njohur shqiptare, Besa Kokëdhima, është njëra nga artistet që ka qëndruar gjatë në skenë.

Ajo numëron hite të shumta gjatë punës së saj në tregun muzikor duke sjellë gjithmonë një stil të veçantë të interpretimit.

Kënga e fundit e saj është publikuar dy muaj më parë dhe ka rezultuar të jetë mjaft e pëlqyer nga publiku.

Përmes një postimi në rrjetin social Instagram, Besa ka njoftuar tashmë e ka të gatshëm një bashkëpunim me një artist, identitetin e të cilit nuk e ka zbuluar ende.

“Kush është?”, ka shkruar në përshkrimin e fotografisë teksa këngëtarja shihet me makijazh të rëndë. Së fundmi ajo kishte paralajmëruar se po qëndronte e izoluar në shtëpinë e saj në Tiranë, ndërsa po ndihej e mërzitur nga kjo situatë.